Tvö hundruð lögreglumenn í skimun

Sjö starfsmenn Lögreglunnar á höfuðborgarsvæðinu eru nú í einangrun eftir að starfsmaður embættisins smitaðist af COVID. Tíu til viðbótar eru í sóttkví.

Lögreglan deilir á Facebook meðfylgjandi mynd en hún var tekin í Skógarhlíð þar sem skimun viðbragðsaðila fer fram. Lögreglan minnir á að COVID sé hvergi nærri lokið.

„Til að fyllsta öryggis verði gætt er ráðgert að tvö hundruð starfsmenn Lögreglunnar á höfuðborgarsvæðinu fari í skimun og stendur sú vinna yfir. Þrátt fyrir ofangreint gengur starfsemi embættisins fyrir sig með eðlilegum hætti og hefur ekki áhrif á þau útköll sem lögreglan þarf að sinna. Sú staða sem er uppi minnir okkur hins vegar á að COVID-19 er hvergi nærri lokið og því mikilvægt að fara varlega og huga að sóttvörnum í hvívetna,“ segir í tilkynningu.

Ekki missa af...