„Stígamót eru mafía, sem stundar fjárkúgun“

Ímyndið ykkur kaffihús. Öll borðin eru þétt setin og málefni líðandi stundar rædd. Í horninu er lokað herbergi þar sem tíu karlmenn sitja við borð. Herbergið er einangrað frá öðrum kaffihúsagestum sem sjá ekki hverjir fara inn og út. Þau heyra því ekki það sem mennirnir láta úr sér. 

„Vandamálið er að strákar í dag eiga að hegða sér eins og stelpur,“ segir einn þeirra og fær sér sopa af kaffinu. „Er búið að nauðga þessu fjósi tvisvar?“ segir annar fastagestur um viðtal sem er á forsíðu blaðs á borðinu, þar sem þolandi kynferðisofbeldis deilir sögu sinni. Svo sýnir hann öðrum við borðið óviðeigandi grínmyndir á símanum sínum. „Þetta eru geðsjúkar drullukuntur,“ segir annar og uppsker hlátur annarra karla. „Til hvers að vera „sexý“ ef það má enginn „bíta á agnið?“ segir svo einn og allir hrista hausinn.

Ef til vill eru þetta fjarstæðukenndar aðstæður en þetta eru aðeins fáein dæmi um raunverulegar athugasemdir sem hafa fallið í lokaða Facebook hópnum Karlmennskuspjallið. Í hópnum stunda rúmlega 700 karlmenn orðræðu sem einkennist mikið af fyrrgreindum athugasemdum. Konur eru lítillækkaðar og samskipti kynjanna sýnd í staðalmyndum. 

Samkvæmt umræðum á hópnum er femínismi óvinur samfélagsins. Þolendur kynferðisofbeldis hafa ávallt önnur markmið en að leita réttar síns. Konur og femínistar vilja ekki jafnrétti, heldur sérstök réttindi um fram karla. Í lýsingu hópsins er sagt að umræðan verði að vera uppbyggileg. Athugasemdir meðlima brjóta þessa reglu nokkuð oft og eru þeir aldrei áminntir um það. Stjórnendur hópsins eru sex talsins og sumir þeirra brjóta þessa reglu sjálfir. 

„Styðja karlahatur og einelti gagnvart karlmönnun ?? … KKK Íslands.“

Meðlimir hópsins eru nokkuð sammála í andstöðu sinni gegn Stígamótum. Mynd af tveimur sjálfboðaliðum að safna undirskriftum var deilt á hópinn nýlega. Sá sem deildi skrifaði undir: „Stelpurnar tvær bjóða undirskriftasöfnun fyrir Stígamót. Áhugavert að engin, jafnvel konur vilja ekkert taka þátt.“

Arnar Sverrisson fagnar þessu. „Uppörvandi! Vonandi er fólk að vakna til vitundar um, hvers konar samtök er um að ræða.“ Annar skrifar; „Styðja karlahatur og einelti gagnvart karlmönnun ?? … KKK Íslands.“ Enn annar segir að konur gisti þar um tíma og þykjast búa við ofbeldi í tálmunarmálum. 

Stígamót bar einnig á góma meðlima þegar Ragnar Önundarson deildi þessari mynd sem hann kallar Rannsóknarstofa í „kvennafræðum.“

Gústaf Níelsson gerði athugasemd þar sem hann skrifar Ragnar Önundarson deilir svo þessari mynd og uppsker mikinn hlátur. Gústaf Níelsson gerir athugasemd; „Það er að koma í ljós að Stígamót eru mafía, sem stundar fjárkúgun. Best væri að ríkisendurskoðun bankaði á dyrnar hjá þeim og kíkti í bækurnar, enda meira og minna rekið fyrir skattfé almennings, auk fjárkúgunar.“

Umræðan um ásakanir á hendur nokkurra landsliðsmanna í fótbolta sköpuðu einnig umræður um Stígamót.

Eins og hefur verið staðfest þá greiddi Kolbeinn Sigþórsson þrjár milljónir króna til samtakanna ásamt því að greiða Þórhildi Gyðu Arnarsdóttur fyrir að hafa brotið á henni. 

Baldur Garðarsson, kennari, veltir fyrir sér hvort Kolbeinn sé það stæður að hann finni ekki fyrir greiðslunum; „[…] og geri þetta til að fá frið. Og etv er þetta bara lúmsk fjáröflunarleið fyrir Kvennaathvarfið ?? Maður hugsar ýmislegt. 

Þetta er brot úr lengri umfjöllun

Birtu bara bréfin Drífa

Ekki missa af...