„Let the bastards deny it!“

Björn Birgisson skrifar:

Ingi Tryggvason. Sá er í vondum málum. Hann er kominn í þá stöðu sem Nixon elskaði að setja andstæðinga sína í:

„Let the bastards deny it!“

Ingi þarf að neita því að hafa átt við atkvæðin. Hann þarf útskýra þennan eina bunka Viðreisnar sem gjörbreyttist og breytti úrslitunum á örlagaríkan hátt hjá 10 þingmönnum.

Bunkann sem hann rataði fyrst á þegar hefja átti endurtalninguna!

HRINGURINN ÞRENGIST

Hann þarf ekki aðeins að útskýra þann bunka fyrir þjóðinni, heldur líka fyrir öðrum meðlimum kjörstjórnarinnar, fólki sem augljóslega grunar hann um græsku.

Hann þarf að útskýra hvers vegna innsigli voru ekki notuð eins og í hinum 5 kjördæmunum.

Hann þarf að útskýra hvers vegna hann laug til um svo margt varðandi geymslu atkvæðanna.

Hann þarf að útskýra betur símanotkun sína á kosninganótt og sunnudagsmorgni.

Hægt og bítandi þrengist hringurinn.

Og Ingi Tryggvason situr í honum miðjum.

Það sem verra er. Hann er búinn að draga Alþingi inn í þann sama hring.

ALDREI FYRIRGEFIÐ

Fari Alþingi að lögum þarf að kjósa aftur. Það er kosturinn sem meirihluti Alþingis vill ekki.

Kjósi Alþingi að láta aðra hvora talninguna gilda er löggjafarsamkoma þjóðarinnar komin niður á sama skítaplanið og Ingi Tryggvason.

Slíka lögleysu mun hugsandi hluti þjóðarinnar aldrei fyrirgefa.

Hinn hlutinn er hrifinn af lögbrotum og lögleysum.

Eftir // Björn Birgisson

Höfundur er fyrrverandi ritstjóri og kennari

Ekki missa af...