Kindin, kynhvötin og harðhausinn að sunnan

Baldvin Z leikstjóri og Tómas Valgeirsson bíófíkill grandskoða áfram sjónvarpsþættina Svörtu sanda og eru komnir hálfa leið með söguna og Sandkornin. Í fjórða þætti sjónvarpsseríunnar er meira lagt á Anítu og vinnuálagið þegar lögreglan á Glerársandi neyðist til að taka á móti „hot-shottanum“ að sunnan og þungum farangri hans.

Karakterinn Gústi er loksins kominn úr felum en óþægindin magnast þegar erfiðara verður að aðskilja starfið og einkalífið á meðan hitnar í kolunum upp hjá fleirum en bara makanum hans Gústa.

Tómas og Baldvin hafa nóg til að stúdera enda markar fjórði kafli mikla gírskiptingu fyrir seríuna eins og hún leggur sig; þar sem speglanir, spíralar, fiðrildi og fuglar eru allsráðandi í andrúmsloftinu. Tómas kallar þetta „rómantískan farsakomedíuþriller.“

Einnig eru kynlífssenur þáttarins skoðaðar út og inn ásamt umræðum um umdeilda hljóðvinnslu á frumsýningardegi fyrsta þáttar og sárum, ósögðum sannleikanum á bak við íslenska sendiferðabíla. Þá eru rök færð fyrir því hvort nokkuð eigi að spá í rauðsíldarfánann en þeirri spurningu er allavega svarað um hvernig tókst að finna nýja víkinginn í Ævari Þór.

Ekki missa af...