Hverjum verður slátrað næst?

Konur sem heita Edda Falak, Hanna Björg Vilhjálmsdóttir, Þórhildur Gyða Arnardóttir, Jóhanna Ýr Jónsdóttir, Þórunn Björk, Tara Margrét Vilhjálmsdóttir, Ólöf Tara, Tanja M. Ísafjörð Magnúsdóttir, Þórhildur Tori Arnarsdóttir, Guðrún Erla Hafsteinsdóttir, Salka Sigmars, Olga Björt Þórðardóttir, Ragnheiður Aradóttir, Sjöfn Friðriksdóttir, Bryndís Anna Ó. Sigurgeirsdóttir, Heiðrún Arna, Díana B Katrín, Brynhildur Yrsa, Gyða Einarsdóttir, Guðbjörg Ýr Valkyrja Guðbjargardóttir, Eyrún Eva Gunnarsdóttir, Áslaug Adda Maríusdóttir, Sigrún Antonsdóttir, Kolbrún Erna Pétursdóttir, Arndís Jónasdóttir, Birta Björnsdóttir, Heiðrún Hauksdóttir, Jóna Júlíusdóttir, Hulda Hrund Höskuldsdóttir, Auður Ösp Hlíðdal Magnúsdóttir, Drífa Jónasdóttir, Sif Traustadóttir, Bylgja Júlíusdóttir, Katrín Stefanía Klemenzardóttir, Olga Björt Þórarinsdóttir, Alfa Jóhannsdóttir, Aníta Lára Ólafsdóttir, Birna Eik Benediktsdóttir, Rakel Steinberg Sölvadóttir, Helga Ben, Halldóra Kristín Pétursdóttir, Sigrún Sól Ólafsdóttir, Matthildur G. Björk Einarsdóttir, Hulda B Hákonardóttir, Tinna Haraldsdóttir, Alexandra Rós Jóhannesdóttir, Kristjana Mjöll Jónsdóttir Hjörvar, Auður Lilja, Fríða Rós Valdimarsdóttir, Hildigunnur Rúnarsdóttir, Elfa Jóns, Freydís Dögg Steindórsdóttir, Kristín Vilhjálmsdóttir, Kristin Elfa Guðnadóttir, Erla Einarsdóttir og Pálína Helga Þórarinsdóttir, eiga það sameiginlegt að vera ötular á samfélagsmiðlum í nafni baráttu gegn því sem þær kalla „nauðgunarmenning“.

Hugtakið nauðgunarmenning hafa valkyrjur þessar ekki skilgreint, enda henta merkingar orða eða skilgreiningar hugtaka illa málstað þeirra og baráttuaðferðum. Þar helgar tilgangurinn alltaf meðalið.

Einhverjar þessara kvenna tilheyra misformlegum samtökum eða hópum, eins og Öfgum, Bleika fílnum og Aktívisma gegn nauðgunarmenningu.

HVÍSLIÐ Á NETINU MERKIR MENN

Þegar litið er yfir þá slóð sem baráttukonurnar skilja eftir sig á samfélagsmiðlum bæði í opnum og lokuðum hópum vekja aðferðir þeirra og atlögur gegn einstökum mönnum óhug.

Með skipulögðum hætti er komið á framfæri fullyrðingum um að nafngreindir karlmenn séu ofbeldismenn og nauðgarar, þó ekkert liggi þar að baki, engin kæra, enginn dómur, ekkert.

Hvíslið á netinu á að duga til að slaufa þeim, útskúfa og koma í veg fyrir að þeir hafi í sig og á.

Konur þessar veigra sér ekki við að hvetja til viðskiptabanns gegn einstaklingum og fyrirtækjum einstaklinga sem þær merkja sem ofbeldismenn og nauðgara.

Þannig hefur nú um nokkra hríð markmiðið verið að ganga frá litlu fyrirtæki manns sem kallaður er nauðgari og ofbeldismaður. Gefum Sölku Sigmars orðið í þeirri baráttu:

„Getum við látið vefjuna fara á hausinn plís”.

Undir þetta er tekið af öðrum og bætt um betur og eitt meintra fórnarlamba látið koma fram hjá Eddu Falak til að draga upp sem dekksta mynd.

Engu skiptir fyrir umræðuna þó fórnarlömb ofstækiskvenna þessara hafi verið sýknuð af öllum sökum.

AÐFÖRIN AÐ AGLI

Egill Einarsson, sem mátti þola skipulagða atlögu af hálfu Bleika fílsins sumarið 2013, er enn eitur í beinum einhverra þessara kvennahópa.

Má meðal annars sjá ummæli um Egil í færslu Þórunnar Bjarkar frá 6. maí á þessu ári. Erla Einarsdóttir segir:

„ … mér datt í hug að skrifa upp memes með ógeðslegum setningum, nota endilega líka gay hatur, rasisma, fitufordóma o.fl. sem hann hefur látið frá sér og getur ekki löglega svarið af sér og birta með hashtöggum # flott fyrirmynd.

 Thuridur Ósk Gunnarsdóttur finnst Erla algjör nagli.

GÍSLI MARTEINN FÆR FYRIR FERÐINA

Ekki létti það brúnir þeirra Kristínar Elfu Guðnadóttur og Tönju Ísafjörð þegar Gísli Marteinn bauð Steinunni Ólínu í auglýsingaþátt sinn á RÚV til að kynna nýja bíómynd þar sem Egill Einarsson leikur eitt burðarhlutverkanna.

Þær stöllur, Kristín og Tanja taka tal saman um Gísla Martein. Þáttastjórnandinn fær þá einkunn að vera súper viðkunnanlegur, hann kunni að segja það sem hentar og hann sé til í kaffispjall í desember. Gísli Marteinn fær þá einkum að vera meira ,,woke” en flestir á hans reki. Rétt er þó talið að vera á varðbergi gagnvart Gísla Marteini þar sem hann spili sig einfaldari en hann er.

Hvort þessi orðræða Tönju og Kristínar Elfu um samskipti og væntanlegt kaffispjall með Gísla Marteini er rétt veit enginn. Getur þess vegna verið uppspuni eins flest sem kemur fram í orðræðu kvennanna á samfélagsmiðlum. Í hópnum þeirra verður fjöðrin ekki að hænu, ein fjöður umbreytist í höndum þeirra í hænsnabú þar sem hávaðinn og fyrirferðin eru jafngild sannleikanum.

NÍÐ OG OFBELDI

Siðferði kvennanna og sannleiksást virðist á lágu plani; reyndar á mjög lágu plani. Leyfi einhver sér að efast um róg og illmælgi þeirra skal gengið frá honum með níði, aðdróttunum og hreinum óþverraskap. Slíkt má sennilega flokka sem andlegt ofbeldi.

Ragnheiður Aradóttir aktivisti gegn nauðgunarmenningu sagði í færslu 11. janúar 2019 að litlu hlutirnir skiptu máli.

,,Minn eigin litli aktívismi er að ég borga áskrift til Stundarinnar. Ég fékk í gegn að það sé ekki verslað við Henson hjá vinnunni. Ég borða ekki á Gló. Bækur frá Óðinsauga ekki keyptar. Eruð þið með fleiri svona litla hluti sem þið gerið?“

Sjöfn Friðriks svarar:

„Vefjan!!”

Enginn veit hver er næstur, ef marka má færslu Birnu Eikar Benediktsdóttur frá 8. maí 2021, þar sem segir:

„ … leið til þess að hvísla að mörgum í einu getur verið að búa til færslu hér í þessum hópi sem inniheldur ekkert nema nafn þess sem hvísla á um þannig eru engar ásakanir í gangi eða neitt, bara nafni póstað. Hvað segið þið um þetta baráttu systur?“

Svo byrja nafngreiningar sem ekki verða hafðar eftir hér.

ÞEIM ER EKKI TREYSTANDI

Eftir að hafa skoðað þann óþverraskap sem virðist mega rekja til framangreindra kvenna á samfélagsmiðlum og víðar, get ég tekið undir þá spurningu Hildigunnar Rúnarsdóttur, sem er virk í spjalli ,,ætli siðblindingjar viðurkenni einhvern tímann ( fyrir sjálfum sér eða öðrum) siðblinduna?“ en hún segir:

„Mér er ljóst að konurnar njóta tjáningarfrelsis. Tjáningarfrelsi þeirra eru hins vegar sett mörk af reglum um friðhelgi einkalífs. Friðhelgi einkalífs ber konum þessum að virða vilji þær vera samkvæmar sjálfum sér í baráttunni fyrir betri heimi.”

Sú virðist ekki reyndin.

Persónuvernd hlýtur að skoða hvort að hópar eins og Bleiki fíllinn, Öfgar, og Aktívistar gegn nauðgunarmenningu eða einstakir meðlimir þeirra stundi ólögmæta vinnslu persónuupplýsinga.

Vonandi fer ofbeldi af hálfu þessar kvenna að ljúka.

Þeim er ekki treystandi.

Síst af öllu til nokkurra góðra verka.

Eftir // Sigurð G. Guðjónsson – Höfundur er hæstaréttarlögmaður

Ekki missa af...