Fallhlífastökk án fallhlífar er dauðans alvara

Fleyg orð dagsins á Tómas Guðbjartsson, hjartaskurðlæknir, á fleyg orð dagsins.

Í nýlegri frétt Mannlífs segir að Margrét Friðriksdóttir sé búin að skrá sig í alþjóðlega samanburðarrannsókn á bólusetningum.

„Fallhlífastökk án fallhlífar er dauðans alvara,“ skrifar Tómas. „Það er ótrúlegt að sjá ungt fólk taka þátt í bullrannsókn þar sem bera á saman veikindi bólusettra og óbólusettra við Covid-19.“

Samkvæmt Margréti má hún ekki bólusetja sig þar sem hún er hluti af samanburðarhóp rannsóknarinnar.

„Niðurstaðan er álíka augljós og ef borið væri saman hvort fallhlífar fyrirbyggi dauða eða ekki þegar stokkið er út úr flugvél í mikilli hæð. Reyndar hefur aldrei verið gerð slembuð samanburðarrannsókn á notagildi fallhlífa til að fyrirbyggja dauða við fallhlífastökk – enda erfitt að finna fólk í samanburðarhóp.

Sumir óbólusettir virðast hins vegar lemja hausnum við steininn og bjóða sig fram í einhvers konar harakiri; tilraun þar sem þeir stofna ekki aðeins eigin heilsu í voða – heldur einnig velferð annarra. Ólíkt fallhlífum, liggja hins vegar fyrir mjög vandaðar rannsóknir á jákvæðum áhrifum bólusetninga við Covid-19. Því miður hlakka ég ekki til að sjá niðurstöðuna úr þessu fallhlífausa fallhlífastökki.“

Ekki missa af...