Dóra er elsti Íslendingurinn og opinberar leyndarmálið að baki langlífi

„Dagurinn byrjaði alveg sérdeilis vel en ég heimsótti Dóru Ólafsdóttur í morgun til að óska henni til hamingju með að hafa náð hærri aldri en nokkur annar hér á landi,“ þetta segir Katrín Jakobsdóttir forsætisráðherra á samfélagsmiðla síðu sinni þar sem hún birti mynd dagsins.

Dóra er fædd þann 6. júlí 1912 í Suður-Þingeyjarsýslu. Hún er því hvorki meira né minna en 109 ára og 160 daga. Katrín er sérstök áhugamanneskja um langlífi og spurði Dóru hvert leyndarmálið væri á bak við það að hafa lifað öll þessi ár.

„Dóra sagði mér að hún léti tóbakið og áfengið í friði, hefði gengið mikið, farið í sund og síðast en ekki síst lifað rólegu lífi og alla tíð haft gaman af að lesa,“ segir Katrín og bætir við að lokum:

„Við getum öll haft þetta í huga á aðventunni.“

Ekki missa af...