AFMÆLISBARN DAGSINS – 14. OKTÓBER

Davíð Hörgdal Stefánsson skáld er fæddur þennan dag árið 1973, en Davíð hefur gefið út þrjár ljóðabækur sem allar komu út hjá sjálfsútgáfuforlaginu Nykur sem Andri Snær Magnason stofnaði ásamt fleirum árið 1995.

Árið 2008 gaf hann út kennslubókina Tvískinnu, sem fjallar um tungumál og táknfræði í samhengi hversdagsmáls og hefur verið notuð í kennslu í grunnskólum, framhaldsskólum og háskólum, og árið 2014 gaf hann út smásagnasafnið Hlýtt og satt. Hann er einn af stofnendum ljóðavefjarins ljóð.is þar sem skráðir notendur geta gefið út ljóð. Vefurinn opnaði árið 2001 og árið 2003 kom út safnritið 101.ljod.is með úrvali ljóða af vefnum.

Auk eigin ritstarfa hefur Davíð skrifað námsbækur um íslensku, sköpun og menningu fyrir Menntamálastofnun – þá áður Námsgagnastofnun – og ritstýrt bókum fyrir aðra.

Frá árinu 2009 hefur Davíð haldið námskeið í skapandi skrifum fyrir alla aldurshópa, hin síðari ár undir merkjum Sköpunarskólans.

Ekki missa af...